Самарқанд шаҳрида Осиё тараққиёт банкининг йиллик йиғини доирасида CAREC дастури сессияси бўлиб ўтди. Унда минтақавий боғлиқликни кучайтириш ва туризмни иқтисодий интеграциянинг муҳим омилларидан бири сифатида ривожлантириш масалалари муҳокама қилинди.
Қатнашчилар минтақа давлатларининг алоҳида ташаббуслардан Марказий Осиёда ягона туристик маконни шакллантириш босқичига ўтишини муҳокама қилди. Айниқса, трансчегаравий йўналишларни ривожлантириш, сайёҳлар ҳаракатини соддалаштириш ва давлатлар ўртасида инфратузилма ечимларини мувофиқлаштириш масалаларига алоҳида эътибор қаратилди.
Ўзбекистон туризм соҳасида минтақавий ҳамкорликни кучайтиришга қаратилган “Марказий Осиё туристик ҳалқаси”ни ривожлантириш концепциясини тақдим этди. Ташаббус CAREC дастури доирасида ҳамкорликни кенгайтиришнинг амалий воситаси сифатида қўллаб-қувватланди.
