- Advertisement -
Хоразм вилоятида дорихонада йирик миқдордаги пул маблағларини талон-торож қилиш ҳолати аниқланди. Бу ҳақда Бош прокуратура ҳузуридаги департамент хабар қилди.
Маълумотларга кўра, Хонқа тумани бўлими ходимлари томонидан масъулияти чекланган жамиятлардан бири фаолияти юзасидан терговга қадар текширув ўтказилган. Текширув давомида дорихона мудири кучли таъсир қилувчи ва бошқа дори воситаларини сотишдан тушган маблағларни ўзлаштириб келгани аниқланган.
Умумий зарар 107,3 миллион сўмни ташкил этган. Қайд этилишича, гумонланувчи харидорлардан пул олган, аммо уни касса орқали ўтказмаган ва инкассация қилмаган.
Мазкур ҳолат юзасидан «Ўзлаштириш ёки талон-торож қилиш» моддаси бўйича жиноят иши қўзғатилган. Ҳозирда тергов ҳаракатлари олиб борилмоқда.
