- Advertisement -
Тошкент шаҳрида U15 ва U17 ёш тоифаларидаги спортчилар ўртасида бокс бўйича Осиё чемпионатининг тантанали очилиш маросими бўлиб ўтди. Мусобақалар «Олимпия шаҳарчаси»да ўтказилмоқда.
Маросимда Asian Boxing, Спорт вазирлиги, Миллий олимпия қўмитаси ва Ўзбекистон бокс федерацияси вакиллари иштирок этди. Ўз чиқишларида расмийлар ушбу турнирнинг ёшлар спортини ривожлантиришдаги аҳамиятини таъкидлаб, иштирокчиларга омад тиладилар.
Чемпионатда Осиёнинг 21 та давлатидан 500 нафардан ортиқ ёш боксчилар иштирок этмоқда. Турнир қитъа миқёсида ёш спортчилар учун энг муҳим мусобақалардан бири ҳисобланади.
