Тошкент шаҳар ҳокимлиги раҳбариятида кадрлар ўзгариши амалга оширилди. Иқтисодиёт ва рақамли ривожланиш масалалари бўйича янги ҳоким ўринбосарлари тайинланди.
Молия, иқтисодиёт ва камбағалликни қисқартириш масалалари бўйича биринчи ўринбосар — шаҳар Иқтисодиёт ва молия бош бошқармаси бошлиғи лавозимига Даулетияр Худайбергенов тайинланди. У бу лавозимда Бахтиёр Ҳайдаровни алмаштирди.
Шунингдек, ахборот технологияларини жорий этиш бўйича ҳоким ўринбосари ҳамда Рақамли ривожланиш департаменти раҳбари лавозимига Алишер Дусмухамедов тайинланди. Илгари бу лавозимни Алексей Хен эгаллаб келган.
Қайд этилишича, янги тайинланган ҳар икки ўринбосар давлат бошқаруви соҳасида катта тажрибага эга. Тайинловлар пойтахт маъмурияти фаолияти самарадорлигини янада ошириш ҳамда ижтимоий-иқтисодий ва рақамли соҳалардаги вазифаларни амалга оширишга қаратилган.
