17 апрел куни Жиззах вилоятида йўловчи автобуси иштирокида йўл-транспорт ҳодисаси содир бўлди. Авария соат тахминан 06:45 да Пахтакор туманидаги Тошкент—Термиз М-39 автомагистралининг 957-километрида юз берган.
Йўл ҳаракати хавфсизлиги хизмати маълумотларига кўра, Нукус-Олмаота йўналиши бўйича ҳаракатланаётган автобус йўлда таъмирлаш ишлари олиб борилаётган ҳудудда бетон тўсиққа урилиб кетган. Дастлабки маълумотларга кўра, ҳайдовчи бошқарувни йўқотган.
Ҳодиса оқибатида жабрланганлар бор. Уларга биринчи тиббий ёрдам кўрсатилган.
Мазкур ҳолат юзасидан Жиззах вилояти ИИБ тергов бошқармаси томонидан барча ҳолатларни аниқлаш мақсадида текширув ўтказилмоқда.
Аввалроқ мамлакатда бошқа йўл-транспорт ҳодисалари ҳам қайд этилган: Бухорода ҳайдовчи бир кунда икки марта ЙТҲ содир этган, улардан бирида бола жабрланган, Тошкентда эса март ойида саккизта автомобиль иштирокида оммавий тўқнашув юз берган.
