Президент томонидан Халқ қабулхоналари фаолиятини янада самарали ташкил этишга қаратилган қўшимча чора-тадбирлар белгиланди.
Унга кўра, Президент Администрациясига ҳокимлар билан биргаликда Халқ қабулхоналарига муаммоларнинг моҳиятини тушунадиган замонавий кадрларни жалб қилиш, мурожаатларни тизимли таҳлил қилиш учун алоҳида назорат гуруҳини ташкил этиш топширилди.
Шунингдек, Президент Администрацияси Коммуникациялар департаменти ҳар ойда келиб тушган мурожаатларни таҳлил қилиб, уларни вазирлар ва ҳокимларга етказади ҳамда ижросини назорат қилади. Аҳоли кайфиятига таъсир кўрсатаётган масалалар бўйича раҳбарларнинг ҳисоботлари эшитиб борилади.
Ҳукуматда эса вазирлик ва идоралар раҳбар ходимларидан иборат Тезкор штаб тузилиб, кўтарилган масалаларни ҳудудлар ва тармоқлар кесимида жойига чиққан ҳолда ҳал этиш йўлга қўйилади.
