- Advertisement -
2026 йил 1 апрелдан бошлаб Ўзбекистонда алкоголь ва тамаки маҳсулотларини харид қилишда тўловлар фақатгина нақдсиз шаклда қабул қилинади. Бу ҳақда Солиқ қўмитаси хабар берди.
Янги тартибга кўра, харидорлар тўловни банк карталари, электрон тўлов иловалари ёки QR-код орқали амалга оширишлари мумкин. Нақд пул орқали ҳисоб-китоб қилишга йўл қўйилмайди.
Мазкур чора савдо жараёнларини янада очиқ ва шаффоф қилиш, нақд пул муомаласини қисқартириш ҳамда қонунбузарликларнинг олдини олишга қаратилган. Шунингдек, тўловларнинг нақдсиз шаклга ўтказилиши харидорлар учун қулайлик ва тезкорликни таъминлаши кутилмоқда.
