22–24 январь кунлари Ўзбекистон ҳудудига нам ва совуқ ҳаво массалари кириб келиши кутилмоқда. Бу ҳақда гидрометеорология хизмати томонидан тезкор маълумот берилди.
Маълумотларга кўра, 22 январь куни, шунингдек 23 январь кечаси ва эрталаб республика бўйича асосан қор кўринишида ёғингарчилик кузатилади. Айрим ҳудудларда йўллар яхмалак бўлиши эҳтимоли мавжуд.
Республиканинг тоғ олди ва тоғли ҳудудларида 22–23 январь кунлари қор ёғиши, баъзи жойларда ёғингарчилик кучли бўлиши мумкин.
Шунингдек, республика бўйича айрим ҳудудларда шамол тезлиги секундига 15–20 метргача кучайиши, баъзи жойларда эса 22–25 метргача етиши эҳтимоли бор.
Ҳаво ҳарорати 22–24 январь кунлари кечалари 3–8 даража совуҡ, кундузи 3 даража совуқдан 2 даража илиққача бўлиши кутилмоқда. Республика шимолида эса кечалари ҳарорат 12–15 даража совуҡқача, кундузи 2–5 даража совуҡқача пасаяди.
