Ижтимоий ҳимоя миллий агентлиги делегацияси вакиллари Хитой ногиронлар федерацияси вакиллари билан навбатдаги самарали учрашув ўтказди. Бу ҳақда Агентлик матбуот хизмати хабар қилмоқда.
Учрашув кўплаб ғояларни амалга ошириш истиқболлари ва кейинги ҳамкорлик учун янги йўналишларни белгилаб берди.
Федерация раиси билан мулоқот чоғида томонлар ногиронлиги бўлган шахсларнинг ҳуқуқ ва манфаатларини қўллаб-қувватлашнинг муҳимлигини таъкидлаб ўтдилар. Мавжуд муҳитни яратиш ва ҳаётнинг барча жабҳаларида инклюзив ёндашувларни илгари суриш ушбу шахсларнинг жамиятда тўлиқ иштирок этишини таъминлаш ва уларнинг имкониятларини очиб беришга ёрдам бериши таъкидланди.
Федерациянинг ушбу соҳадаги фаолияти илҳомлантирувчи мисол бўлиб хизмат қилади. Ногиронлиги бўлган шахслар учун реабилитация, иш билан таъминлаш ва таълим олиш имкониятларини кенгайтириш бўйича ташаббуслар муҳокама қилинди.
Учаршув якунида хитойлик ҳамкасбларнинг тажрибаси ўрганиш ва амалга ошириш учун муҳим манба эканлиги таъкидланиб, ушбу соҳада билим ва амалий тажриба алмашишни давом эттириш ҳамкорликни мустаҳкамлаш ва ҳамкорликни янада ривожлантиришга келишиб олинди.
