Халқ банки пенсия олувчиларнинг 3%да кузатилган техник ҳолат бўйича тушунтириш берди

Халқ банки тизимида пенсия маблағларининг юкланиши жараёнида техник носозлик юзага келганлиги сабабли баъзи мижозларнинг банк карталарига кирим қилинган маблағлар «бекор қилинган» ҳолати юзага келган. Бу ҳақда банк ахборот хизмати хабар қилди.

Маълум қилинишича, мазкур ҳолат жами пенсия олувчиларнинг 3%да кузатилган. Ҳозирда ушбу хатоликлар бартараф этилиб, «бекор қилинган» пул маблағлари банк карталарга қайтарилмоқда.

Барча пенсия олувчиларга, шу жумладан, юқоридаги муаммога дуч келган мижозларга ҳам пенсия маблағлари Ўзбекистон Республикаси Президентининг 04.05.2021 йилдаги ПҚ-5102-сонли қарорига асосан, ўзгаришсиз ойнинг 5-санасигача тушириб берилади.