Бу ҳақда АОКАда ўтказилган брифингда Республика Маънавият ва маърифат маркази (раҳбарининг биринчи ўринбосари Фурқат Жўрақулов маълум қилди.
Тарғибот тадбирлари доирасида туманларда «Маърифат улашиб», «Китоб карвони» акцияларини ташкил этилиб, 6400 дона ўзбек ва жаҳон адабиёти дурдоналаридан иборат 80 турдаги китоблар тарқатилди.
Термиз шаҳрида 2 та мактаб, 1 та мактабгача таълим ташкилоти, 3 та олий таълим муассасаси, 1 та архитектура ва қурилиш техникуми, 1 та 2-сон академик лицейда намунавий тарзда «Маънавият сектори» фаолияти йўлга қўйилди.
«Сурхондарё тажрибаси» асосида Тошкент вилояти Янгийўл туманида «Маънавият сектори»ни намунали ташкил этиш мақсадида сектор Низоми, ташкилий тузилмаси ва йўриқномаси ишлаб чиқилди.
Марказ томонидан тажриба-синов асосида Андижон вилоятидаги 909 та маҳаллада ижтимоий-маънавий муҳитни соғломлаштириш мақсадида 90 кунлик иш-режа ишлаб чиқилиб, зарур чора-тадбирлар белгиланди.
Ижобий синовдан ўтган «Андижон тажрибаси» республикадаги барча 9 442 та маҳаллада кенг жорий этилмоқда.
