Олий Мажлис Қонунчилик палатасида “Йўл ҳаракати хавфсизлиги тизими такомиллаштирилиши муносабати билан Ўзбекистон Республикасининг Жиноят кодекси, Жиноят-процессуал кодекси ва Ўзбекистон Республикасининг Маъмурий жавобгарлик тўғрисидаги кодексига қўшимча ва ўзгартиришлар киритиш ҳақида”ги қонун лойиҳаси қабул қилиниб, Сенатга юборилди. Бу ҳақда депутат Алишер Қодиров хабар берди.
Унга кўра, Вазирлар Маҳкамасига 14 турдаги йўл ҳаракати қоидаларини бузганлик учун 0,5 дан 2 гача жарима баллари ҳисоблаш ва йил давомида 12 жарима балл олган ҳайдовчини бошқариш ҳуқуқидан маҳрум қилиш тартибини ишлаб чиқиш топширилган.
Қоидани бузмаган ҳайдовчиларни рағбатлантириш ва жазо муддати тугагач, қайта имтиҳон топшириб гувоҳнома олиш мумкинлиги алоҳида белгилаб қўйилган.
- Табиий ва суюлтирилган газда ишлайдиган транспорт воситаларида хавфсизлик қоидаларини бузганлик учун 5 баравардан 10 бараваргача жарима;
- Йўл безорилигига 25 бараваргача;
Ҳуқуқни муҳофаза қилувчи орган ходимини вазифасини бажариши билан боғлиқ ахборотни уни обрўсизлантириш мақсадида, интернет тармоғига жойлаштиргани учун 50 бараваргача жарима белгиланмоқда.
