- Advertisement -
Ҳиндистон шарқида экстремал об-ҳаво шароити сабаб чақмоқ уриши оқибатида 12 киши ҳалок бўлди, 14 киши жароҳат олди.
Фожиа Одиша штатида юз берди. Шанба куни одамлар вафот этди. Штат ҳудудида икки соат ичида мутахассислар 61 мингга яқин чақмоқ оқимини қайд этди.
Синоптиклар яқин кунларда мамлакат шарқида об-ҳаво кескин ёмонлашиши ва кучли ёмғир ёғишидан огоҳлантирди. Ёмон об-ҳаво ҳозирги вақтда Бенгал кўрфазида ҳосил бўлган кучли циклонлар билан боғлиқ. Маҳаллий PTI ахборот агентлигига кўра, ўтган йили Ҳиндистонда деярли 1000 киши яшин уриши оқибатида ҳалок бўлган.
