Японияда ўлим билан якунланган Оз вируси билан касалланган биринчи ҳолат қайд этилди. Қурбон Ибараки префектурасида яшовчи кекса аёл эди, деди Миллий юқумли касалликлар институти.
Шифокорларнинг сўзларига кўра, аёл тахминан бир йил олдин заифлик, иситма, иштаҳани йўқотишдан шикоят қила бошлаган. Семптомлар бошланишидан олдин у чет элга чиқмаган, коронавирус борлиги учун ПCР тести салбий бўлган. Шифокорлар беморга пневмония ташхисини қўйиб, амбулатор шароитда антибиотиклар билан даволашни буюрдилар. Бироз вақт ўтгач, беморнинг аҳволи ёмонлашди. Aёл касалхонага ётқизилган, ундан қон таҳлили олинган. Натижада тромбоцитлар даражасининг пасайиши, жигарнинг бузилиши ва ўткир яллиғланиш реакцияси мавжудлиги кўрсатилган. Бироқ, иситма ва инфекциянинг сабабини мутахассислар аниқлай олмадилар. Шифокорлар эътибор берган ягона нарса — бу сонда шомил чақиши натижасида пайдо бўлган из эди.
Касалхонага ётқизилганидан 20 кун ўтгач, беморда ишемик инсулт бўлган, айни пайтда иситма давом этган, аммо унинг сабабини аниқлаш ҳали ҳам мумкин эмас эди. 26-куни аёл вафот этди.
