Чоршанба куни асосий мухолифат партияси ўз тарафдорларидан бири полиция томонидан отиб ўлдирилганини даъво қилди, полиция буни рад этди.
Иккала асосий партиянинг тарафдорлари рақибларга ҳужум қилишда айбланган. Бу сайлов нотинч иқтисод, турмуш нархининг ошиб бораётгани, шунингдек, миллий бирлик ҳақидаги хавотирлар фонида ўтмоқда. Сайловчилар Ғарбий Aфрика давлатида 2002 йилда фуқаролар уруши тугаганидан бери бешинчи сайловда президент, депутат ва кенгаш аъзоларини танлайди.
11 йиллик можаро тахминан 50 000 кишининг ҳаётига зомин бўлди, бироқ ўшандан бери мамлакатда асосан тинч, эркин ва ишончли сайловлар ўтказиш анъанаси бор, дейди “Миллий сайловларни кузатиш” нодавлат ташкилоти раиси Марселла Самба Сесай. Рўйхатга олинган 3,3 миллион сайловчилар орасида кучли партияга содиқлик билан кампаниялар сиёсий масалаларни ифодалаш ва муҳокама қилишдан кўра, ўз партияларининг асосларини мустаҳкамлашга қаратилган.
