Озиш учун асосий тавсиялар

— Шакар, ширинликлар, пишириқлар истеъмолини камайтиринг.
— Ёғсиз сут, қатиқ, йогурт, творог, сули ёрмасидан тайёрланган егуликлар организм учун жуда фойдали.
— Туздан камроқ фойдаланишга ҳаракат қилинг. Ҳайвон ёғи маҳсулотлари, энергетик ичимликлар, ёғли қовурилган ёки шўр овқатлар семиришга олиб келади.
— Таомнома таркиби турфа бўлишига аҳамият қаратинг. Шу орқали организм барча зарур озуқваий моддалар билан таъминланишига имкон яратасиз.
— Тамаддилар орасидаги вақт узоққа чўзилиб кетишига йўл қўйманг. 5 маҳал кам-камдан овқатланиш тартиби энг мақбул йўл ҳисобланади. Овқатдан 10-15 дақиқа олдин газсиз минерал ёки оддий сув ичинг.
— Овқатланиш рационига озуқавий толаларга бой бўлган мева ва сабзавотлардан янги тайёрланган салатларни киритинг. Донли-дуккакли экин маҳсулотлари, кўкатлар, ёнғоқлар, балиқ ва товуқ гўшти истеъмоли яхши самара беради.