Россияда 1 май байрамида 470 мингдан ортиқ киши қатнашди

1-май куни бутун Россия бўйлаб Баҳор ва меҳнат куни шарафига 1500 дан ортиқ байрам тадбирлари бўлиб ўтди, уларда 473 мингга яқин киши иштирок этди. Ички ишлар вазирлиги маълумотларига кўра, жамоат тартибини бузиш ҳолатлари кузатилмаган, деб ёзади “ТAСС”.
“1-май куни Россия Федерациясининг 1100 дан ортиқ аҳоли пунктларида 1500 дан ортиқ тадбир ўтказилди, уларда 473 мингга яқин киши иштирок этди”, деди Россия Ички ишлар вазирлиги расмий вакили Ирина Волк.
Ҳуқуқ-тартибот ички ишлар органларининг 19 мингдан ортиқ ходимлари томонидан таъминланди. Шунингдек, ушбу вазифага Россия гвардияси ҳарбий хизматчилари, хусусий ташкилотлар ходимлари, жамоат ҳуқуқни муҳофаза қилиш тузилмалари вакиллари жалб қилинган.