- Advertisement -
Қозоғистоннинг Олмаота шаҳрида ҳунармандларнинг “Лолалар вақти” кўргазмаси очилди. Марказий музейда Қирғизистон, Ўзбекистон, Туркманистон ва Қозоғистондан келган усталар ўз асарларини намойиш этди. Улар турли хил эсдалик совғалари билан ташриф буюрувчиларни ҳайратда қолдирди.
Шунингдек, шаҳар аҳолиси этник услубдаги либослар, заргарлик буюмлари, кулолчилик, металл, кигиз ва ипакдан тайёрланган буюмларнинг янги коллексияларини ҳам кўрди. Рассом Марат Сарсембаевнинг кулолчилик буюмлари меҳмонларда катта қизиқиш уйғотди. Унинг барча асарлари миниатюрада яратилган. Ушбу кўргазма анъанавий ҳисобланади. Ҳар йили баҳорнинг илк кунларида бошланади.
