“Boeing 767-300” юк самолёти кеча Марказий Хитойнинг Хубэй провинцияси Эчжоу шаҳридаги Хуаху аэропортидан ҳавога кўтарилгани тўғрисида “Синьхуа” агентлиги хабар тарқатди. Маълум бўлишича, ушбу парвоз Хитойнинг биринчи ихтисослаштирилган юк аэропорти расмий иш бошлаганидан дарак беради.
Мазкур объект Осиёдаги биринчи ва дунёда юк ташишга ихтисослашган тўртинчи аэропорт. 23 минг квадрат метр юк терминали, қарийб 700 минг квадрат метрлик юк транзит маркази, 124 автотураргоҳ ва иккита учиш-қўниш йўлаги бўлган Эчжоу Хуаху аэропорти ҳаво юкларини ташишга мўлжалланган.
Аэропорт юк рейсларидан ташқари йўловчиларга ҳам хизмат кўрсатади. 2025 йилга бориб аэропортда ўнта халқаро юк ва элликта ички йўналишлар очилиши, юк ва почта жўнатмаларини ўтказиш ҳажми 2,45 миллион тоннага етиши режалаштирилган
