Бугун 17 июнь санасида пойтахтимизнинг Юнусобод туманидаги Шаҳидлар хотираси майдони ҳудудида ноқонуний дарахт кесилиши юзасидан ижтимоий тармоқлар орқали мурожаат келиб тушди, деб хабар беради Тошкент шаҳар Экология бошқармаси матбуот хизмати.
Вазиятга ойдинлик киритиш мақсадида давлат инспекторлари зудлик билан мурожаатда қайд этилган манзилда ўрганиш ишларини олиб боришди ва унинг натижасига кўра, ушбу ҳудудда фуқаро Б.И ҳеч бир асоссиз, тегишли рухсатномасиз уч туп сафора дарахтини ноқонуний равишда кесганлиги аниқланди. Натижада бу фуқарога нисбатан қонунда белгиланган тартибда воқеа жойида маъмурий баённома расмийлаштирилиб, жарима жазоси қўлланилди.