Қарши шаҳарида яшовчи Х.Б. Қарши шаҳар ИИО ФМБ 1-сонли ИИБга ариза билан мурожаат қилиб, 2021 йил 07 июнь куни соат 06:30ларда шаҳардаги “Алишер Навоий” номли истироҳат боғида ободонлаштириш ишларини бажараётган вақтида олдига шаҳарнинг 3-митти туманида яшовчи, муқаддам судланган К.Б. ва Ф.Юлар спиртли ичимлик ичиб келиб, уни уриб чўнтагидаги 1.500.000 сўмлик “Samsung Galaxy 4” русумли телефонини тортиб олганлигини маълум қилган, деб хабар беради ИИВ Ахборот хизмати.
Бу камлик қилганидек, талончилар шу куни соат 11:00ларда шу истироҳат боғида Қарши тумани “Пахтазор” МФЙда яшовчилар Қ.Д.нинг 280.000 сўмлик велосипеди ҳамда вояга етмаган М.С.га тегишли бўлган 300.000 сўмлик велосипедини очиқдан очиқ тортиб олиб кетган.
Билдирилишича, талончилардан фуқароларнинг мол-мулклари далилий ашё сифатида олиниб, ҳолат юзасидан Қарши шаҳар ИИО ФМБ 1-сонли ИИБ ТБ томонидан жиноят иши қўзғатилди.
