Жамиятда жорий йилда кўмир қазиб олиш режаси 4800 минг тонна, истеъмолчиларга маҳсулот етказиб бериш режаси 4494,0 минг тонна этиб белгиланган. 2022 йил 27 декабрь ҳолатига кўра, амалда ишлаб чиқарилган маҳсулот 5 010 минг тоннадан, ҳақиқий етказиб берилган ёқилғи 5220 минг тоннадан ортиб кетди.
Шу муносабат билан 27 декабрь куни акциядорлик жамиятга ташкил қилинган навбатдаги пресс турда ушбу юксак маррага қандай эришилганию галдаги долзарб вазифалар мавзусига бағишланган масала муҳокама этилди.
Пресс-тур олдидан “Ангрен” кўмир кони диспетчерлик марказининг мажлислар залида журналист ва блогерлар учун матбуот анжумани бўлиб ўтади. Жамият бош директори ўринбосари Нурали Талабев, бош геолог Эркин Жўраев, «Ангрен кўмир кони» филиали бош муҳандиси Шерзод Турғунов, бош директор матбуот котиби Неъмат Душаев иштирокидаги анжуманда жамият фаолияти ҳақида батафсил ахборот берилди.
Таъкдландики, “Ўзбеккўмир” акциядорлик жамияти учун Ангрен кўмир ҳавзасидаги конлар қаттиқ ёқилғининг асосий манбаи ҳисобланади. 2022 йилнинг ўтган даврида мазкур ҳавзадаги “Ангрен” конидан 4 миллион 470 минг тонадан зиёроқ кўмир қазиб олинди. Бу режага нисбатан 106,8 тоннани ташкил этади. “Шахта усулида кўмир қазиб олиш” кони ҳам йиллик режасини барвақт бажарди: режа бўйича – 53216 тонна ўрнига амалда 61145 тонналик кўрсаткич қайд этилди.
Кўмирни асосий истеъмолчиларга жўнатиш ҳам муваффақиятли амалга оширилмоқда. Ҳозиргача топшириқ 128,6 фоизга бажарилди.
Кўмир маҳсулотларини истеъмолчиларга тарқатиш “Кўмир таъминот” МЧЖга қарашли 89 та ҳудудий кўмир омбори ва 12 та савдо шохобчалари орқали амалга оширилмоқда.
Рақамларга мурожаат қилинадиган бўлса, кўмир қазиб олиш ҳажми 2020 йилда ‒ 3 869 375,4 тоннани, 2021 йилда ‒ 4 781 192,6, 2022 йилнинг 27 декабрига қадар 5010 минг тоннани ташкил этди.
Истеъмолчиларга жўнатилган кўмир маҳсулотлари ҳажми 2020 йилда ‒ 3 879 486,05 тоннага, 2021 йилда — 5 183 780,3 тоннага, 2022 йилнинг 27 декабрь ҳолатига 5 211 822 тоннага тенг бўлди. Бюджет ташкилотлари ва аҳоли истеъмолчиларига етказиб берилаётган кўмир маҳсулотлари ҳажмида ҳам муттасил ўсиш кузатилмоқда.
Кўмир маҳсулотларини бюджет ташкилотлари ва аҳоли истеъмолчиларига тарқатиш “Кўмир таъминот” МЧЖга қарашли 89 та ҳудудий кўмир омбори ва 12 та савдо шохобчалари орқали амалга оширилмоқда.
Матбуот анжуманида қайд этилганидек, жамият фаолиятида ютуқлар билан бирга муаммолар ҳам йўқ эмас. Бу энг аввало ишлаб чиқарувчи ва истеъмолчилар ўртасидаги муносабатларга, қолаверса, кўмир қазиб олишнинг ўзига хос жараёнлари, кўмир сифати масаласида истеъмолчилар ўртасида маълумотлар етарли эмаслигига бориб тақалади.
Матбуот анжуманидан сўнг журналистлар “Ангрен” очиқ конига тушиб, кўмир қазиб олиш ва истеъмолчиларга маҳсулот юклаш жараёни билан яқиндан танишдилар.
‒ Конда ишлаб чиқариш ва маҳсулот юклаш бир маромда кечаю-кундуз давом этмоқда. Якунланаётган йил осон кечмади. Истеъмолчиларга ёқилғи етказиб бериш йиллик режасини муддатидан аввал бажариб, юзимиз ёруғ бўлди. Жамиятда эгалланган беш миллион тонналик маррада меҳнат жамоамизнинг ҳиссаси салмоқли эканлиги, бизга алоҳида ғурур бағишлайди, ‒ дейди «Ангрен кўмир кони» филиали бош муҳандиси Шерзод Турғунов. ‒ «Ангрен кўмир ҳавзасида қаттиқ ёқилғи захиралари етарли. Аммо уни қазиб олиш ва етказиб бериш зарур. Келгуси йил ҳам биз учун осон кечмайди. Мавжуд имкониятларни ишга солиб, кон очиш ишлари жадаллаштиришимиз зарур
