-0.8 C
Узбекистан
Среда, 19 января, 2022

Нормани тўғри талқин қилайлик!

Топ статей за 7 дней

Подпишитесь на нас

51,905участниковМне нравится
22,962участниковЧитать
3,700участниковПодписаться

Бугун “Транспорт ва молия соҳаларидаги айрим ҳуқуқбузарликларни содир этганлик учун маъмурий жазолар либераллаштирилиши муносабати билан Ўзбекистон Республикасининг Маъмурий жавобгарлик тўғрисидаги кодексига ўзгартиш ва қўшимчалар киритиш ҳақида”ги Қонун қабул қилинди.

Қонун билан ҳайдовчилар транспортни бошқаришда телефондан қулоқчинлар орқали ва қўлларини ишлатмасдан гаплашиш имконини берадиган ускуналар орқали фойдаланиши мумкин бўлди.

Ижтимоий тармоқлар орқали “энди машина бошқараётганда ҳам телефондан фойдаланиш мумкин” ёки “рулда бўлган ҳолда телефонда гаплашишга рухсат берилди” ва шунга ўхшаш хабарлар тарқалмоқда.

Аслида қандай❓

Киритилган ўзгартиришга кўра, транспорт воситасини бошқариш вақтида ҳайдовчиларга телефондан фақат “bluetooth”, қулоқчин ва бошқа қўлни банд қилмайдиган гарнитуралар орқали фойдаланишга рухсат берилмоқда. Бу телефондан фойдаланишга ёки унда гаплашишга рухсат берилди дегани эмас.

Агарда ҳайдовчилар рулда бўлган вақтида телефондан “bluetooth”СИЗ, қулоқчинСИЗ ва бошқа қўлни банд қилмайдиган гарнитураларСИЗ фойдаланса жавобгар бўлади. Шуни унутмаслик лозим.

Шунингдек, Қонун билан машина салонининг олд қисмига монитор (дисплей) ўрнатишга рухсат берилди, яъни бунинг учун аввал мавжуд бўлган жавобгарлик олиб ташланди.

Ҳурматли Ҳайдовчилар!

Транспорт воситасини бошқариш пайтида машина салонининг олд қисмидаги монитор (дисплей)да теле- ёки видеодастурларни томоша қилиш жавобгарликка сабаб бўлишини ёдда тутинг . Яъни Маъмурий жавобгарлик тўғрисидаги кодекснинг 128-2 – моддасига кўра, БҲМнинг бир баравари (ҳозирда 270 минг сўм) миқдорида жарима солишга сабаб бўлади.

Салоннинг олд қисмидаги монитор (дисплей)дан йўналишни аниқлаш ёки узоқ манзилни яқин қилиш мақсадида “GPS” қурилма сифатида фойдаланиш мумкин.

Адлия вазирлиги
жамоатчилик билан алоқалар бўлими

ОСТАВЬТЕ ОТВЕТ

Пожалуйста, введите ваш комментарий!
пожалуйста, введите ваше имя здесь

Последние новости

Ўзбекистоннинг иқтисодиёти қай ҳолатда?

Давлат статистика қўмитаси маълумотларига кўра, 2021 йилнинг январь-декабрь ойларида Ўзбекистон Республикасининг иқтисодий ҳолати рақамларда қуйидагича акс этади: ялпи ички маҳсулот...

Больше похожих статей

Рус