- Advertisement -
Январь ойида Чимёнда фуқароларга қалбаки долларни «ўтказиб» кетган уч нафар шахсларнинг икки нафари қўлга олингани ва учинчиси қидирувда эканлиги ҳақидан хабар берилган эди.
Хабарда ушбу жиноятда иштирок этган учинчи шахс – 1984 йилда туғилган, Қўқон шаҳрида яшовчи Ж.Ш. ҳодиса жойидан қочиб, тергов органларидан яширинганлиги сабабли қидирув эълон қилинган эди.
Бундан икки кун аввал, 15 июнда ушбу қидирувдаги шахснинг яширинган манзили ИИББ Хавфсиз туризмни таъминлаш тезкор ходимлари томонидан аниқланиб, қўлга олинди ва қонуний чора кўриш учун ИИБга олиб келинди, дейилади ИИВ тарқатган хабарда.
