Туризм ва маданий мерос вазирлиги вакилларидан иборат делегация кадрлар тайёрлаш тизимини такомиллаштириш ва истиқболдаги режаларни муҳокама қилиш мақсадида Франциянинг Париж ва Руан шаҳарларида бўлиб турибди.
Жумладан, Бухоро вилояти Бош бошқармаси бошлиғи ўринбосари С. Бобокалонов, «Ипак йўли» туризм ва маданий мерос халқаро университети Халқаро грантларни жалб қилиш бўлими бошлиғи Ш. Рамазонов ҳамда Бухоро туризм ва маданий мерос техникуми директори А. Адизовлар иштирокида қатор учрашувлар белгиланган.
Маълумот учун, ўзаро мулоқот доирасида Руан Нормандия ва «Ипак йўли» туризм ва маданий мерос халқаро университети ўртасида ҳамкорлик меморандуми имзоланган. Унга мувофиқ илмий тадқиқот алмашинуви ва докторлик диссертацияларини биргаликда бошқариш масалаларида ҳамкорликка доир йўл харита ишлаб чиқилади.
«Ипак йўли» университетига Руан Нормандия университетининг етакчи профессорлари ташриф буюриши режалаштирилмоқда. Бунинг натижасида, туризм ва маданий мерос соҳасида ўзаро тадқиқотларни амалга ошириш режалаштирилган.
