ТОШКЕНТ, ЎЗБЕКИСТОН — «UZCOSMOS» агентлиги, БМТ Озиқ-овқат ва қишлоқ хўжалиги ташкилоти (ФАО) ҳамда СЕҲРИЁ мактаби ҳамкорлигида 2025-йил 3-май куни Тошкент вилояти, Ўрта Чирчиқ туманидаги Тойтепа шаҳрида жойлашган «Янги Ҳаёт» эски аеродромида CанСат Узбекистан 2025 танловининг финал босқичи бўлиб ўтади.
Тадбир соат 10:00 да бошланади ва унда Ўзбекистоннинг барча ҳудудларидан келган иқтидорли ёш муҳандислар томонидан яратилган инновацион сунъий йўлдош моделлари намойиш этилади. Мусобақа давомида мактаб ўқувчилари ва талабалар томонидан яратилган кичик сунъий йўлдошларни (CanSat) ўқув ракета моделларида учирилиши ташкил этилади.
Бу мусобақа Ўзбекистонда космик технологияларни ривожлантиришда муҳим босқич ҳисобланади. Ушбу тадбир янги авлод муҳандислари ва космос ишқибозларига илҳом бериш, шунингдек, аерокосмик таълимнинг амалий қўлланилишини тарғиб қилишга қаратилган.
Кун дастури қуйидагиларни ўз ичига олади:
• Финал босқичининг тантанали очилиши
• Жамоалар ва лойиҳаларнинг тақдимоти
• CанСат модуллари билан ракеталарни учириш
• Ғолибларни тақдирлаш маросими
• Космик технологиялар билан танишиш ва ўрганиш имкониятлари
Танлов Ўзбекистондаги энг иқтидорли ёш муҳандислар ва космос ишқибозларини бирлаштиради, уларга ўзларининг техник кўникмалари ва космик технологиялардаги инновацион ғояларини намойиш этиш учун платформа яратиб беради.
Тадбир кенг жамоатчилик учун очиқ бўлади ва кириш бепул. Барча космос ишқибозлари, таълим муассасалари ва оилаларни ташриф буюришга ва Ўзбекистонда космик технологиялар ривожланишининг бу тарихий лаҳзасига гувоҳ бўлишга таклиф этамиз. Иштирок этмоқчи бўлганлар қуйидаги ҳавола орқали рўйхатдан ўтишлари мумкин:
https://forms.gle/JkYh6dnVzPCMxpnK8
Manzil: O‘rta Chirchiq tumanidagi “Yangi hayot” aerodromi
CanSat ҳақида:
CanSat — бу ўқувчиларни стандарт газли ичимлик банкаси ҳажмига сиғадиган кичик сунъий йўлдош лойиҳалаш, қуриш ва ишлатишга ундайдиган таълим лойиҳасидир. Сунъий йўлдош ракета ёрдамида тахминан бир километр баландликка отилади, сўнгра ишга туширилиб, тушиш пайтида атмосфера маълумотларини ўлчаш ёки қутқарув тизимини синаш каби махсус вазифаларни бажариши керак бўлади.
«UZCOSMOS» агентлиги ҳақида:
«UZCOSMOS» агентлиги Ўзбекистонда космик фаолиятни мувофиқлаштириш ва тарғиб қилиш, шу жумладан, мамлакатимизнинг келажакдаги космик соҳа мутахассисларини тайёрлашга қаратилган таълим ташаббусларини амалга ошириш учун масъулдир.
