- Advertisement -
Тойлоқ туманида пиёдалар билан боғлиқ ЙТҲ содир бўлди. Ҳолат бўйича Самарқанд вилояти ИИБ матбуот хизмати маълумот тақдим этди.
Малум қилинишича, 2024 йил 10 июнь куни соат 18:10 лар атрофида Тойлоқ тумани ҳудудидан ўтувчи 4К-529А автомобил йўлининг 2-км.да «Қўрғонча-Қундузак» йўналишида ҳаракатланиб келаётган «Дамас» русумли автомашина йўлнинг белгиланмаган қисмидан ўтаётган икки нафар пиёдани уриб юбориб, ЙТҲ содир этган.
Оқибатда икки нафар пиёда ва транспорт воситаси ичида бўлган бир нафар йўловчи олган тан жароҳатлари билан туман тиббиёт бирлашмасига мурожаат қилган.
ЙТҲ оқибатида ҳалок бўлганлар йўқ.
Ҳолат юзасидан Тойлоқ тумани ИИБ томонидан дастлабки суриштирув ишлари олиб борилмоқда.
