Йиғилишда президент бу йил 20 та, 2024 йилда эса яна 38 та кичик ва микро ГЭС қуриш режа қилинганини маълум қилди.
Шунингдек, бу борада Андижон вилоятида ишлар яхши бошлангани, лекин Фарғона, Сурхондарё, Наманган, Самарқанд, Жиззах, Қашқадарё ва Тошкент вилоятида бу йилги 15 та кичик ва микро ГЭСни қуриш лойиҳаси кечикаётгани кўрсатиб ўтилди.
Мутасаддиларга қурилиш ишларини жадаллаштириш, қўшимча захираларни топишга кўрсатма берилди.
Мисол учун, Норин дарёсида каскадлар қуриб, 230 мегаватт қувватларни ишга тушириш ва Намангандаги 450 минг аҳолига етарли электр ишлаб чиқариш имконияти бор.
«Ўзбекгидроэнерго»га 6 минг мегаватт қувватларни
ишга тушириш бўйича беш йиллик дастур ишлаб чиқиш ва хусусий шериклик асосида йирик хорижий энергетика компанияларини жалб қилиш топширилди.
Толдиқсой, Муллалак, Қоронғи-тўғай, Юқори Пском ва Норин йирик ГЭСларини қуриш лойиҳалари доирасида эса техник-иқтисодий асослар ишлаб чиқишни якунлаш ва хорижий инвесторларни жалб қилиш вазифаси қўйилди.
