Бу ҳақда АОКАда ўтказилаётган брифингда Дин ишлари бўйича қўмита ахборот хизмати раҳбари хабар бермоқда.
Қайд этилишича, нархларнинг ошишига Саудия ҳукумати томонидан ҳаж сафари нархига таъсир қилувчи қўшимча солиқ ва мажбурий тўловлар жорий қилинган, коммунал, транспорт, электр-энергия ва бошқа хизматлар учун тўловлар миқдори бир неча баравар (30-40 фоиз) ошгани сабаб бўлган. Эндиликда Ҳаж-2022» мавсуми учун 1 нафар зиёратчига тўлов миқдори 62,9 миллион сўм этиб белгиланди.
Ҳаж амалларини ташкил этувчи муассасаларнинг хизматларига 2022 йилда янги мажбурий тўловлар жорий этилган. Шу боис дунё мамлакатлари учун ҳаж хизматлари нархи ўртача 40-45 фоизга кўтарилган.
Маълумот ўрнида, бу йил Ўзбекистондан 10 865 киши ҳаж сафарига боради. 2019 йилда бу кўрсаткич 7 200 нафар эди.
