Хабарингиз бор, Президент Администрацияси хузуридаги Ахборот ва коммуникациялар агентлиги бошчилигида ОАВ ходимлари журналистлар учун турли вилоятларга шу кунларда давом этаётган вилоят Халқ депутатлари ҳокимлар йиллик хисоботи ва мурожаатларини тўғридан тўғри кўриш тадбиғ этиш мақсадида журналист мухбирлар учун пресс тур ташкиллаштирлмоқда. Кеча 24 ноябрь бир қатор журналистлар учун Тошкент вилояти хокимяти билан хамкорликда айрим туманларига пресс-турлар ташкил этилди.
Журналист ва блогерларнинг бошланғич нуқтаси ўша вилоятни ёш шахри янги Нурафшондаги “Нурафшон бизнес сити” бўлди.
2017-йил Тошкент вилояти маркази Нурафшон шаҳрига кўчирилган бўлиб, давлатимиз раҳбари 2019-йили бу ерга келганида замонавий мажмуалар барпо этиш бўйича кўрсатмалар берган эди.
Ўтган 2018-2021 йилларда Нурафшон шаҳрида жами 1 126,1 млрд. сўмлик қурилиш-бунёдкорлик ишлари амалга оширилди. Жумладан, 23 та бошқарма ва ташкилотларнинг 321,9 млрд. сўмлик маъмурий бинолари, 191,4 млрд. сўмлик 8 та вилоят банклари, 275,7 млрд. сўмлик 27 та 7-9 қаватли кўп квартирали уйлар, 7 млрд. сўмлик 2 та мактаб, 16,8 млрд. сўмлик 5 та МТМ, 2,1 млрд. сўмлик 5 та МФЙ бинолари, 311,2 млрд. сўмлик 32 та маиший хизмат кўрасатиш нуқталари каби ўнлаб замонавий ва кўркам объектлар қуриб битказилди.
2022-2026 йилларда эса шаҳар бўйича 7 трлн. 310,9 млрд. сўмлик маъмурий-ижтимоий бино-иншоотлар барпо этилади. Ахоли учун 19 та кўп қаватли уйлар умуман олганда режаларни тингласангиз лол қоласиз ушбу ишлар этап этаби билан 2019-2022, 2022-2024 ва 2024-2028 йилларга белгиланган.
Мамлакатимизда Ахборот-коммуникация технологиялари соҳасида кадрлар тайёрлаш тизимини янада такомиллаштириш мақсадида дирекция ҳудудидан Тошкент ахборот технологиялари университетининг Тошкент вилояти филиали қурилиши учун 6 гектар ер ажратиб берилди. Бу ерда барча қулайликларни ўзида мужассам этган, завонавий кўринишга эга 5 қаватли ўқув биноси, 2 қаватли спорт мажмуаси, 4 қаватли техникум, 17 қаватдан иборат талабалар ётоқхонаси ҳамда ошхона бинолари қурилиши режалаштирилган бўлиб, бугунги кунга қадар 4 қават бетон ишлари якунига етказилди.
Г-62 автомобиль йўлида амалга оширилаётган муҳандислик коммуникация тармоқларидаги ичимлик сувининг 2.5 километри тўлиқ якунланган, 2.3 километрга оқава сув қувури тортилган, алоқа тармоғидан 2.4 километр алоқа кабелларини ётқизиш ишлари тўлиқ якунига етказилган. Табиий газ таъминоти бўйича 1.2 километрга махсус қувурлар жойлашгантирилган. Бундан ташқари, умумий узунлиги 6,8 километр бўлган ёпиқ дренаж ишлари тўлиқ бажарилган.
“Nurafshon business city” ҳудудида транспорт воситаларини ҳаракатланиши учун (4Р2 автомобиль йўлининг 34,3 км қисмини 4Р20 автомобиль йўлининг 5,3 км қисми билан боғловчи) умумий узунлиги 3,6 км.ни ташкил этувчи “Лойиҳавий Г-62” автомобиль йўлининг лойиҳаси ишлаб чиқилган. Ҳозир мазкур автомобил йўлининг 1,2 километр қисми қурилиб фойдаланишга топширилган.
Нурафшондаги Зулфия Зокирова номидаги боғ 2.97 гектар ер майдонда барпо этилади. Мазкур қурилиш бўйича лойиҳа ҳужжатлари ишлаб чиқилиб, Тошкент вилоят ҳокимлиги ва архитектура бошқармаси томонидан тасдиқланган. Ҳозирги кунда ҳудуд атрофи ўралиб, Администрация ва кутубхона биноларида бетон ишлари олиб борилмоқда.
Бундан ташқари Тошкент вилояти ҳокимининг тегишли қарорларига асосан “Элбек номидаги кутубхона”, “Ёшлар ижодиёт саройи”, “Театр”, “Кўп тармоқли универсал спорт мажмуаси” объектлари қурилиш ишлари учун дирекция ҳудудидан ер майдонлари ажратилди. Бугунги кунда ушбу объектларнинг лойиҳа ҳужжатлари лойиҳачи ташкилотлар томонидан ишлаб чиқилмоқда.
Тошкент вилояти жамоат транспортининг ҳаракат тезлиги ва аҳоли учун қулай, мавжуд йўл-транспорт инфратузилмасини яхшилаш ҳамда хавфсиз йўл ҳаракатини ташкил этиш мақсадида Туркия давлатининг мутахассислари билан биргаликда “Nurafshon Business City” ҳудудидан ўтувчи ва Тошкент шаҳри Бектемир туманигача (4Р2 “Тошкент шаҳри – Нурафшон шаҳри – А373 автойўли”) бўлган йўлда автобусларнинг тезкор ҳаракатини ташкил этиш, яъни “Bus rapid transit” тизимида (кейинги ўринларда – BRT тизими) жамоат транспортини ташкил этиш лойиҳасининг концепцияси ишлаб чиқилди.
Мазкур концепцияни амалга ошириш юзасидан Дирекция томонидан Ўзбекистон Республикаси Вазирлар Махкамаси қарори лойиҳаси ишлаб чиқилиб, ўрнатилган тартибда киритилди
Бугун 25 ноябрь Тошкент вилояти халқ депутатлари вилоят Кенгаши сессияси депутатларининг кун тартибидаги масала юзасидан фикр-мулоҳазалари, савол ва таклифлари тингланди.
