Европанинг “bne IntelliNews” интернет-нашрида “Ўзбекистонда амалга оширилаётган энергетика ислоҳотлари биринчи навбатда энергияни тежаш ва юқори самарадорликка қаратилган” сарлавҳаси остида мақола нашр этилди.
Нашр бош муҳаррири Бен Ариснинг ёзишича, Ўзбекистонда электр энергияси етарли даражада ишлаб чиқарилади, бироқ мамлакатимиз Президентининг саноатни ривожлантириш бўйича кенг кўламли режаларининг ижроси натижасида яқин истиқболда ишлаб чиқариш қувватлари икки баробарга ортади.
![](https://uz.nuz.uz/wp-content/uploads/2021/12/photo_2021-12-13_09-28-06-1.jpg)
“2019 йилда республика Президенти энергетикани ислоҳ қилишнинг беш йиллик комплекс режасини эълон қилди, бу банк секторидаги ислоҳотлардан кейин, эҳтимол, мамлакатдаги барча ислоҳотларнинг энг илғоридир. Сўнгги тўрт йилда энергетика инфратузилмасига сармоя киритиш жадаллашди. Мазкур соҳа вазирлиги маълумотига кўра, шу вақт ичида улар мустақиллик давридаги жами инвестицияларнинг 75 фоизини ташкил этган, бу аввалги 26 йилга нисбатан 2,5 баробарга кўпдир. Ҳозирча Ўзбекистонда электр энергияси етарли, бироқ агар иқтисодиёт шундай суръатларда ўсадиган бўлса, ўн йилликнинг ўрталарига келиб ишлаб чиқариш қувватлари икки баравар ошиши эришилиши аллақачон аён бўлди, — деб таъкидлайди “bne IntelliNews”.