Халқаро шахмат федерацияси март ойи учун рейтингларни янгилади. Янгиланган рейтингнинг кучли юзталигидан 5 нафар шахматчимиз ўрин олган. Бу ҳақида «UzChess» маълум қилди.
Рейтингдан жой олган ўзбекистонлик шахматчилар орасидаги энг яхши натижани Нодирбек Абдусатторов қайд этиб, у 2773 очко билан FIDE рейтингида 6 поғонани эгаллади.
Ундан кейинги ўринларда 2707 очко билан Жавоҳир Синдаров 29 ўринда, 2675 очко билан Рустам Қосимжонов 49 ўринда қайд этилган.
Шунингдек, Шамсиддин Воҳидов 2670 очко билан 51 ўринда бўлса, Нодирбек Якуббоев 2654 очко жамғариб кучли юзталикнинг 71 поғонасидан ўрин эгаллади.
Бундан ташқари, FIDEнинг 20 ёшгача бўлган қизлар ўртасида тузилган рейтингнинг кучли юзталигидан уч нафар ҳамюртимиз жой олган.
Шахматчимиз Афруза Ҳамдамова 2350 очко тўплаган ҳолда 11 ўринни эгаллаган бўлса, 2241 очко жамғарган Умида Омонова 41 ўринда ҳамда 2160 очкога эга Гулдона Каримова 90 поғонада қайд этилган.
