2021 йил давомида тижорат банклари томонидан тақдим этилган чакана кредитлар миқдори 40 трлн 520,9 млрд.сўмни ташкил этиб, 2020 йилга нисбатан 12 трлн.сўмга (ёки 42%га) кўп ажратилган.
Шунингдек, банклар томонидан жисмоний шахсларга расмийлаштирилган микроқарзлар ҳажми 2021 йилда ипотека кредитлари ва автокредитларни ортда қолдириб, 9,95 трлн.сўмни ташкил этган ҳамда аввалги йилга нисбатан 4,1 трлн.сўмга ёки 71%га кўп ажратилган.
Ипотека кредитлари – 2021 йилда 9,8 трлн.сўмни ташкил қилиб, 2020 йилга нисбатан 672 млрд.сўмга кўп ажратилган. Бунда ўсиш атиги 7%ни такшил этган.
Ажратилган автокредитлар – 8,5 трлн.сўмни (ўтган йилга нисбатан 2,9 трлн.сўм кўп), микрокредитлар эса – 6,9 трлн.сўмни (ўтган йилга нисбатан 3,2 трлн.сўм кўп) ташкил қилган.
2020 йилда талабалар учун 59,5 млрд.сўмлик таълим кредитлари тақдим этилган бўлса, 2021 йилда бу йўналишда аввалги йилга нисбатан 4,4 марта кўп, яъни 266,3 млрд.сўм миқдоридаги кредитлар берилган.
Эслатиб ўтамиз, 2022 йилнинг 1 январь ҳолатига банклардаги чакана кредитлар қолдиқлари (https://cbu.uz/oz/statistics/bankstats/588201/) 69,5 трлн.сўмга етган ва бу борадаги етакчи банклар қуйидагилардир:
◦ Ипотека-банк – 13,9 трлн.сўм;
◦ Қишлоққурилишбанк – 9,0 трлн.сўм;
◦ Халқ банки – 7,4 трлн.сўм;
◦ Миллийбанк – 6,1 трлн.сўм.
