«Агар имконият йўқ бўлса, унинг учун эшик ясанг». Мильтон Берл.
Янги иш бошлаган киши аксарият ҳолларда кутилмаган мақбул имконият дарҳол ўйин қоидаларини ўзгартириб, омад олиб келишини кутади. Бироқ, агарда ушбу тахмин ва ишончга қарамай, ҳеч нарса содир бўлмаётган бўлса, эҳтимол, бу энг қулай фурсат етганини ва асбоб-ускуналарни қўлга олган ҳолда енг шимариб, мустақил равишда имконият учун «эшик ясаш»га киришиш вақти келганини англатар.
«Ҳар сафар тўхтаб, ўз қўрқувингиз юзига боқишга журъат қилганингизда, янги куч, жасорат ва ишончга эга бўласиз». Элеонора Рузвельт.
Қўрқувсиз куч, жасорат ва ишонч деган тушунчалар ҳам бўлмайди. Янги бошланган фаолиятда жасурлик ва қатъият талаб этилади. Танланган йўлни давом эттиришга кўмаклашувчи кучнинг мавжудлиги эса қўрқув сизнинг энг яқин дўстингиз бўлишидан дарак беради.
«Аввалига улар сизни кўрмасликка ва эшитмасликка олади. Кейин сиз билан курашишни бошлайдилар. Ахийри, ғалаба қозонган сиз бўласиз». Махатма Ганди.
Бирон ишнинг бошланиши ҳамиша қийин кечади. Ҳар доим ҳам зурар ёрдамни олиш имконияти бўлмайди. Кўпинча рад жавоби эшитишга тўғри келади. Ҳамма вақт кимдир сиздан олдинда, кимдир ортда юради, яна кимдир сиздан устун келишга интилади. Билингки, бу жуда яхши. Чунки бу барча саъй-ҳаракатларингиз тўғри эканини англатади.
