Арманистон парламентида ҳукмрон партия ва мухолифат вакиллари ўртасидаги оғзаки тортишув оммавий муштлашувга айланди. Бу ҳақда ТАСС хабар берди.
Жанжал ҳукмрон «Фуқаролик шартномаси» фракцияси депутати Тарон Чахояннинг чиқишидан кейин бошланган. Унда мухолиф «Кучли Арманистон» партиясининг сайловолди кампанияси тилга олинган.
Чахояннинг гаплари мухолифат вакиллари, жумладан, фракция раҳбари Нарек Карапетяннинг норозилигига сабаб бўлган. Депутатлар ўртасидаги оғзаки тортишув кейинчалик муштлашувга айланган.
Парламент вице-спикери Рубен Рубинян мажлисда танаффус эълон қилган. Шундан сўнг залга хавфсизлик хизмати ходимлари кириб, жанжал иштирокчиларини ажратишга ҳаракат қилган.
Парламент йўлакларида ҳам кескин вазият сақланиб қолган. Хавфсизлик ходимлари икки томон ўртасида тўсиқ ҳосил қилган. Кейинчалик вазият барқарорлашиб, депутатлар ўз кабинетларига тарқалган.
