- Advertisement -
Янги ўқув йилига тайёргарлик доирасида республикадаги умумтаълим мактаблари, деҳқон бозорлари ва савдо комплексларида мавсумий «Мактаб бозорлари» ташкил этилган.
Рақобат қўмитаси ота-оналар ва ўқувчиларга харид вақтида маҳсулотнинг сифати, ишлаб чиқарувчиси, нархи ва бошқа муҳим маълумотларига эътибор қаратишни тавсия қилди.
Тадбиркорларга эса дарсликлар, мактаб формалари, ўқув-ёзув қуроллари ва бошқа анжомлар нархларини асоссиз оширмаслик, маҳсулот сифати ва истеъмолчилар ҳуқуқларига оид қонунчилик талабларига қатъий риоя этиш зарурлиги эслатилди.
Нархларнинг асоссиз оширилиши ҳолатларига дуч келган фуқаролар Рақобат қўмитасининг 1159 қисқа рақамига мурожаат қилишлари мумкин.
