2026 йилги футбол бўйича Жаҳон чемпионати гуруҳ босқичининг сўнгги турида Эквадор терма жамоаси Германия устидан иродали ғалабага эришди. Е гуруҳидан ўрин олган баҳсда жанубий америкаликлар 2:1 ҳисобида зафар қучди.
Учрашув Германия учун жуда муваффақиятли бошланди. Ўйиннинг 2-дақиқасида Лерой Сане аниқ зарба йўллаб, жамоасини ҳисобда олдинга олиб чиқди.
Бироқ Эквадор тезда жавоб қайтарди. Орадан етти дақиқа ўтиб, ҳужумчи Нилсон Ангуло рақиб дарвозасини ишғол қилиб, ҳисобни тенглаштирди. Биринчи бўлимнинг қолган қисмида ҳар икки жамоада гол уриш учун имкониятлар бўлганига қарамай, ҳисоб ўзгармади.
Иккинчи бўлимда Эквадор ташаббусни қўлга олиб, ғалаба голини киритишга муваффақ бўлди. Натижада жанубий америкаликлар 2:1 ҳисобида муҳим уч очкони қўлга киритди.
