- Advertisement -
Тошкент шаҳрида Ўзбекистон–Сербия бизнес-форуми бўлиб ўтди. Унда Ўзбекистон ва Сербиядан 80 дан ортиқ тадбиркор иштирок этди.
Тадбир доирасида Ўзбекистон Бош вазири ўринбосари Жамшид Хўжаев ҳамда Сербия Бош вазири ўринбосари — иқтисодиёт вазири Адриана Месарович ўзаро музокаралар ўтказиб, товар айирбошлаш ҳажмини ошириш ва инвестициявий ҳамкорликни фаоллаштириш истиқболларини муҳокама қилдилар.
Томонлар фармацевтика, тўқимачилик ва кимё саноати, қишлоқ хўжалиги, шунингдек бошқа истиқболли йўналишларда саноат кооперациясини ривожлантиришга алоҳида эътибор қаратдилар.
Мазкур форум икки мамлакат ўртасидаги савдо-иқтисодий алоқаларни мустаҳкамлаш ва ишбилармонлик муносабатларини кенгайтириш йўлидаги навбатдаги муҳим қадам бўлди.
