- Advertisement -
Ўзбекистон Республикаси Президенти Шавкат Мирзиёев Покистон Ислом Республикаси Бош вазири Шаҳбоз Шарифнинг таклифига биноан 5 февраль куни давлат ташрифи билан ушбу мамлакатга жўнаб кетди.
Исломобод шаҳрида олий даражадаги музокаралар ҳамда Стратегик ҳамкорлик кенгашининг биринчи йиғилиши ўтказилиши режалаштирилган. Унда Ўзбекистон ва Покистон ўртасидаги дўстлик ва стратегик шериклик муносабатларини янада ривожлантириш масалалари муҳокама қилиниши кутилмоқда.
Саммит якунида Қўшма декларация ҳамда икки томонлама ҳужжатларнинг салмоқли тўпламини имзолаш назарда тутилган.
Ташрифнинг ишбилармонлик дастури доирасида давлат раҳбарининг қўшма бизнес форуми ва бошқа қатор тадбирларда иштирок этиши ҳам режалаштирилган.
