2026 йил 28 январь куни эрталаб Ҳиндистоннинг Маҳараштра штатида жойлашган Барамати аэропорти яқинида Learjet 45 русумли бизнес-джет ҳалокатга учради. VT-SSK рақами билан рўйхатдан ўтган ҳаво кемасида Маҳараштра вице-бош вазири Ажит Павар бўлган. Расмий маълумотларга кўра, авиаҳалокат оқибатида тирик қолганлар йўқ.
Flightradar24 маълумотларига кўра, самолёт Мумбайдаги Чхатрапати Шиважи халқаро аэропортидан маҳаллий вақт билан соат 08:10 да парвоз қилган. Барамати аэропортига яқинлашиш вақтида экипаж 11-йўлакка визуал қўнишга уриниб, кейин қўнишни бекор қилган. Охирги сигнал соат 08:43 да қайд этилган.
Барамати аэропорти кичик ҳудудий аэродром бўлиб, асосан чартер ва расмий рейслар учун фойдаланилади. Об-ҳаво бўйича маҳаллий автоматик станция мавжуд эмас, энг яқин METAR маълумотлари Мумбайдан олинган.
Ҳалокатга учраган Bombardier Learjet 45XR самолёти 2010 йилда ишлаб чиқарилган бўлиб, VSR Group компанияси томонидан эксплуатация қилинган. Ҳодиса юзасидан тергов ишлари олиб борилмоқда.
