Рақобат қўмитасининг хабарига қўра 2025 йилнинг ноябрь–декабрь ойларида бозор иштирокчиларига метан газига киритилган вақтинчалик чекловлар шароитида суюлтирилган газ нархларини асоссиз оширмаслик бўйича профилактик огоҳлантиришлар юборган эди. Шунга қарамасдан, айрим хўжалик юритувчи субъектлар фаолиятида адолатли рақобат принципларига зид бўлган ҳолда нархларни сунъий оширишга олиб келувчи манипуляция ва мувофиқлаштирилган ҳаракатлар аломатлари қайд этилмоқда.
Аниқланган ҳолатлар юзасидан Қўмита томонидан белгиланган тартибда қонунбузилиши аломатлари бўйича иш қўзғатиш ишлари бошланди. Ҳозирда тегишли ҳолатлар ўрганилиб, ҳуқуқий баҳо бериш чоралари кўрилмоқда.
Шунингдек, биржа савдоларида нархларни барқарорлаштириш мақсадида “коррекциялаштирувчи” чоралар амалга оширилмоқда. Жумладан, бозор иштирокчиларига суюлтирилган газни биржа савдоларига тўлиқ ҳажмда ва узлуксиз равишда чиқариш бўйича кўрсатмалар юборилди.
