Туркияда 2027 йил ноябрь ойида муддатидан олдин президентлик сайловлари бўлиб ўтиши мумкин. Бу ҳақда парламентнинг рақамли оммавий ахборот воситалари қўмитаси раҳбари Ҳусайн Яйманга таяниб, Дуня Газетеси хабар берди.
Эрдўғон 23 февраль куни ҳукмрон Адолат ва тараққиёт партияси раҳбари лавозимига қайта сайланди. У партия қурултойида сўзлаган нутқида унга билдирилган ишонч учун миннатдорлик билдирди.
Сиёсатчига кўра, фракция 23,5 йил ичида ҳеч қачон Туркияни ҳам, халқни ҳам хафа қилмаган ва бундан кейин ҳам бундай қилмайди. Бундан олдин Эрдўғон 2028 йилда мамлакатда президентлик ва парламент сайловлари ўтказилгандан сўнг “янги Туркия ва Истанбулни” барпо этишини маълум қилган эди.
Ражаб Тоййиб Эрдўғон 2014 йилдан буён Туркия президенти бўлиб келмоқда. Бунгача у 2003 йилдан буён мамлакат бош вазири бўлган. 2023 йилги сайловларда у 52,14 фоиз овоз тўплади. Рақиби, мухолифатдан ягона номзод Кемал Қиличдарўғли эса 47,86 фоиз овоз олган эди.
