- Advertisement -
Ўзбекистон ташқи ишлар вазири Бахтиёр Саидов Нью-Йорк шаҳрида Сербия ташқи ишлар вазири Марко Джурич билан учрашув ўтказди, деб хабар бермоқда «Дунё» АА.
«Сербия ташқи ишлар вазири Марко Джурич жаноблари билан учрашдик, – деб ёзди Ўзбекистон ТИВ раҳбари ўзининг telegram-каналида. – Шубҳасиз, мамлакатларимиз ўртасидаги шериклик салоҳиятини рўёбга чиқариш учун ҳали қилинадиган ишлар кўп. Қатор соҳаларда ўзаро манфаатли ҳамкорликнинг янги механизмларидан самарали фойдаланиш йўлларини муҳокама қилдик. Шунингдек, Дипломатик паспорт эгалари учун визасиз тартиб тўғрисидаги битимни имзоладик».
