- Advertisement -
Тошкент шаҳри Учтепа туманида юк машинаси 3 ёшли боғча бўласини босиб кетди. Бу ҳақда «Миллар» дастурида маълум қилинди.
Қайд этилишича, Тошкент шаҳар ИИББ Навбатчилик қисмига Учтепа тумани Кўкча дарвоза кўчасида йўл-транспорт ҳодисаси юз бергани ҳақида хабар келиб тушган.
Унга кўра, юк машинаси ҳайдовчиси хусусий боғча қаршисидан ҳаракатланиб кетаётган вақтида 2021 йилда туғилган пиёдани уриб юбориб, ЙТҲ содир этган. Оқибатда 3 ёшли бола олган тан жароҳатлари сабаб вафот этган.
Тошкент шаҳар ИИББ ЙҲХБ ахборот хизмати раҳбари Қаҳрамон Худойбергановнинг маълум қилишича, ҳозирда мазкур ҳолат юзасидан пойтахт ИИББ Тергов бошқармаси томонидан терговга қадар суриштирув ишлари олиб борилмоқда.
