- Advertisement -
Ягона интерактив давлат хизматлари порталида эндиликда ёшга доир пенсия тайинлаш учун ариза топширишингиз мумкин.
Бунинг учун Пенсия жамғармасининг туман (шаҳар) бўлимлари томонидан кўриб чиқиш учун «Пенсия» дастурий мажмуасига юбориладиган анкетани тўлдиришингиз керак.
Пенсия жамғармаси дастурий мажмуаси фуқароларнинг иш стажи, иш ҳақи ва бошқа маълумотлардан келиб чиқиб, қонун ҳужжатларида белгиланган тартиб ва меъёрларга мувофиқ ҳисоб-китоблар ва топшириқларни амалга оширади.
Сизнинг шахсий ҳисобингизга пенсия тайинлаш ёки рад этиш сабаблари кўрсатилган маълумотнома юборилади.
Хизмат бепул. Аризаларни кўриб чиқиш муддати 10 кун.
