Қозоғистоннинг Қарағанда вилоятидаги конда юз берган авария оқибатида етти киши ҳалок бўлди

Қозоғистоннинг Қарағанда вилоятидаги конда етти нафар кончи ҳалок бўлди.

Бу ҳақда ArcelorMittal матбуот хизмати хабар берди.

“Етти кончининг жасади ҳаёт белгиларисиз топилди”, — дейилади хабарда.

Қайд этилишича, конда жами 252 киши бўлган, 205 нафар кончи ер юзасига чиқарилган.

Компания маълумотларига кўра, лавада газ метан портлаши содир бўлган деб тахмин қилинмоқда.