Маълум бўлишича, болаликдан завқланиб китоб ўқишни бошлаган одамлар когнитив тестларда яхши натижаларга эришишади ва келажакда руҳий саломатлиги яхшиланади.
Тадқиқотда АҚШдан ўн минг нафардан ортиқ ўсмир иштирок этди. Уларнинг 48 фоизи китоб ўқиш тажрибасига эга бўлган ёки буни болаликдан бошлаган. Қолган ярми уч йилдан ўн йилгача китоб мутолаа қилишга одатланди. Тадқиқотчилар субъектларнинг маълумотларини, жумладан, клиник интервьюлари, когнитив тестлари, ақлий салоҳияти ва хулқ-атворини таҳлил қилишди ва мия сканерини ўтказишди.
Таҳлиллар шуни кўрсатдики, кичик ёшдан китоб ўқиш билан шуғулланган болаларда хотира ва нутқни ривожлантириш, шунингдек, мактабда ишлаш кўрсаткичлари юқори бўлган. Бундан ташқари, уларда стресс ва депрессия белгилари камроқ эди, диққатни жамлашда яхши кўрсаткичлар қайд этилди. Шунингдек, тажовузкорлик ва қоидаларни бузиш каби хулқ-атвор муаммолари ҳам камроқ эди. Кичик ёшдан бошлаб китоб ўқиган болалар телевизор кўриш ва смартфон ёки планшетдан фойдаланишга камроқ вақт ажратган, деб хабар беради lenta.ru.
