Маданият ва туризм вазирлиги, Қашқадарё вилояти ҳокимлиги ва “Ўзтўқимачиликсаноат” уюшмаси томонидан жорий йилнинг 11-13 май кунлари Қашқадарё вилояти бўйлаб “Ethno and modern fashion week” халқаро фестивали ҳамда этноспорт ўйинлари, гастрономик фестиваль, миллий ҳунармандчилик ва заргарлик ярмаркаси ташкил этилади.
Шу муносабат билан бугун махаллий ва хорижий журналисталар иштирокида матбуот анжумани бўлиб ўтди. Матбуот анжуманида дунёга машхур дизайнерлар “Omar Mansoor” бренди асосчиси Омар Мансур Шейх, “L 𝗔 𝗗 𝗬 𝗖 𝗛 𝗜 𝗖 𝗣𝗔 𝗥 𝗜 𝗦” бренди асосчиси франциялик Лопез Артега, X8 бренди асосчиси кореялик Ли Вонкванг, шунингдек, Малайзия, Хитой, Монголия, Россия, Қозоғистон сингари мамлакатлардан мода ва дизайн намоёндалари иштирок этди. Чет эл дизайнерлари миллий шойи матоларимизга, бир неча асирлик адрасу атласларимизга катта қизиқиш билдиришди.
Бундан ташқари тадбирда Қашқадарё вилоятига хорижлик ва маҳаллий туристлар оқимини ошириш, этно ва замонавий кийимлар халқаро танлови, этноспорт ўйинлари, миллий ҳунармандчилик ва заргарлик ярмаркасини ташкил этиш орқали этнотуризм, гастротуризм ва маданий туризмни ривожлантириш, Ўзбекистон туристик салоҳиятини янада кучайтириш мақсадида ўтказилмоқда.
