TheWashingtonPost газетасининг ёзишича, 20 ноябрда АҚШнинг 46-Президенти Жо Байден 80 ёшини нишонлади. Аслида, президентликка сайланган пайтидаёқ у Оқ уйнинг энг кекса соҳибига айланган эди, ҳозир эса кекса Жо ушбу мақомни янада маҳкамлаб олди.
Унгача Американинг энг кекса Президенти Рональд Рейганга тегишли бўлиб келарди. Рональд Рейган президент креслосини 1989 йил 77 ёшу 349 кунлигида тарк этган.
Жо Байден 1942 йил 20 ноябрда Пенсильвания штатининг Скрэнтон шаҳрида дунёга келган. Унинг сиёсий фаолияти 1970 йилда тарих, сиёсатшунослик ва ҳуқуқ бўйича фан босқичини олгандан кейин бошланган. У Ньюкасл округи Кенгаши аъзоси бўлади. Уч йил ўтгач, бўлажак президент Дэлавер штатидан АҚШ сенатига сайланади ва мамлакат тарихидаги энг ёш сенатори бўлади. Конгресснинг юқори палатасига эса у 2008 йилда келади. Бу ерда у халқаро муносабатлар бўйича қўмитага раҳбарлик қилади.
2009 йил Президент Барак Обама Байденни ўзининг вице-президенти этиб танлайди. 2012 йилда эса Обама-Байден жуфтлиги сайловолди пойгасида яна ғолиб бўлади ва ўз позициясини сақлаб қолади. Дональд Трамп маъмуриятида Байден тажрибали сиёсатчи сифатида Пенсильвания халқаро дипломатия университетида дарс беради. 2020 йилда у озгина устунлик билан Трампнинг ўрнини эгаллади.
Жо Байден 2024 йилда президентликка бўлиб ўтадиган сайловда ҳам иштирок этиши мумкинлигини маълум қилган. Агар у иккинчи муддатга ҳам сайлана олса, 2028 йилда Оқ уйни рекордсмен президент сифатида тарк этар экан. Ўшанда Байден 86 ёшга кирган бўлади.
Шундай бўлсада, Байден АҚШ раҳбариятидаги энг кекса давлат хизматчиси бўла олмайди. Конгрессда иккала партиясидан ҳам бир нечта сенатор борки, улар АҚШ президентидан ҳам ёши улуғ саналади. Масалан, сенатор Даяна Файнштейн 89 ёшда, сенатор Чак Грассли 89, сенатор Берни Сандерс 81 ва вакиллар Палатаси аъзоси Нэнси Пелоси 82ёшда.
