Тошкентда «Снос»га тушган фуқаронинг уйига 1,5 млрд компенсация тўлаб берилади

Фуқаро М.Т Тошкент шаҳар Бектемир тумани адлия бўлимига ўзига тегишли бўлган уй-жойи жойлашган ер участкаси давлат ва жамоат эҳтиёжлари учун олиб қўйилганлиги ва эвазига туман ҳокимлиги томонидан компенсация пули ёки ер участкаси ўрнига аввалги ҳуқуқ турлари сақланган ҳолда тенг миқдорда ер участкаларини ажратиш белгиланган бўлсада, ушбу масала айрим сабабларга кўра очиқ қолиб келаётганлигидан норози бўлган.

Мазкур ҳолат юзасидан фуқаронинг манфаатларида Бектемир тумани адлия бўлими томонидан Фуқаролик ишлари бўйича Миробод туманлараро судига даъво аризаси киритилди.

Мазкур суднинг хал қилув қарори билан фуқаро M.T. фойдасига 1,5 миллиард сўм миқдордаги компенсация пул маблағлари тўлаб берилиши лозимлиги белгиланди.